الخير بوجـهك متى ما رحت راح الخير
مــا علموك اشكثر ضايقني فراقك؟

أحـن لك...و الـشعور يخونه التعبير
لــين آخر الليل اقـوم قلب أوراقك

المشكلة مـا لقيت لهالغــلا تفسـيـر
إلا إني أحتاجـــك إليا غبت و اشتاقك

سبــقني الـطير يمك...أو سبقت الطير
ما هـو من أول و أنا و الطير عشاقــك

مو مثل الأول احبك...بس أحبك غـير
تدري شكثر؟؟..أكثر من الشوق لعناقك

مافيه شـئ مهم...اللـي يصـير يصـير
أهم حاجه هي أشـــواقي..وهي أشواقك

من قال لحظة فراقـــك ما لهـا تـأثـير؟
أحس روحي تبي تطلــع من فــــراقك

أنت غــير الـناس عندي
أنت عنــدي شي كبيـر
كيف بصبـر وأنا شـايف
الناس مـن حولك كـثير
وانا احـــبك واقولها لك
كلمه خــليها في بالك
انا مــاني اي عاشــق
أنا لمــا أعــشق أغــير



مـن عيـون الناس والله
أغـــار ياعــمري عـليـك
ما تطمن وأنسى خوفـي
الا وأيـديـنـي بأيديــك
بس تحمل كل جـنـونـي
لانك أغــلى من عيوني
لـو تـدور مـــا تــلاقـي
من هو غيري يـموت فيك



قـلبي فـي أيـدينـك يا غالـي
بـس خــل بـــالـك عليه
يا حـبـيـبــي هذا قلـبــي
وأنـت ادرى الـنـاس فيـه
لـو أعيـش العـمر كلــه
مـا أنســى حبك أو املـه
مــا أبـي شـي بـحياتــي
والله انت بـس اللــي أبـيــه

الأمــــــــــــاكن كـــلها مشتاقه لك ..

والعيــــون اللي انرسم فيها خيالك..

والحنين اللي سرى بروحي وجالك..

مــــــــــاهو بس أنــــــــــا حبيبي..


كل شئ حولي يذكرني بشئ..

حتى صوتي وضحكتي لك فيها شئ..

لو تغيب الدنيا عمرك ماتغيب..

شوف حالي آآه من صبري علي .

الاماكن اللي مريت انت فيها ..

عايشه بروحي وابيها ..

بس لكن مالقيتك ..

جيت قبل العطر يبرد ..

قبل حتى يذوب في صمت الكلام ..


واحتريتك ..

كنت أظن الريــــح جابت عطرك يسلم علي ..

كنت اظن الشوق جابك تجلس بجنبي شوي


كنت أظن .. وكنت أظن ..

وخـــــــــــاب ظني .

والمشاعر .. في غيابك ذاب فيها كل صوت

والليالي .. من عذابك عذبت فيني الســكوت

وصرت خايف لاتجيني .. لحظه يذبل فيها قلبي ..

وكل اوراقي تموت ..

آآآه .. آآآآه .. لو تدري حبيبي ..

كيف ايامي بدونك ..

تسرق العمر وتفوت ..

آآآه .. آآآه .. الامان .. وين الامان ..

وانا قلبي من رحلت ماعرف طعم الامان ..

ليه .. كل ماجيت اسأل هالمكان ..

اسمع الماضي يقول ..

ماهو بس انا حبيبي.. الأماكن كلها مشتاقة لك ..